Прававое забеспячэнне дзейнасці аблвыканкама

Аддзел прававога забеспячэння дзейнасці аблвыканкама 
галоўнага ўпраўлення юстыцыі Віцебскага абласнога выканаўчага камітэта

Знаходзіцца па адрасу: г. Віцебск, вул. Гогаля, 6, каб.20

Час работы: 
пн-пт з 8.00 да 13.00, з 14.00 да 17.00

Начальнік аддзела:

Жулега Галіна Ігараўна, раб. тэл. 48 11 70 

Намеснік начальніка аддзела:  

Агафонава Анастасія Віктараўна, раб. тэл. 48 11 03

Галоўныя спецыялісты: 
Ярохава Алена Аляксандраўна, раб. тэл. 48 11 33 
Дарашкова Дар'я Сяргееўна, раб. тэл. 48 11 33 

ФУНКЦЫI АДДЗЕЛА

• праводзіць абавязковую юрыдычную экспертызу ў дачыненні да праектаў нарматыўных прававых актаў Савета і аблвыканкама, тэхнічных нарматыўных прававых актаў, якія не датычацца вобласці тэхнічнага нарміравання і стандартызацыі, ненарматыўных (індывідуальных) прававых актаў;
  
• забяспечвае накіроўванне прынятых рашэнняў Савета і аблвыканкама ў Міністэрства юстыцыі і Нацыянальны цэнтр прававой інфармацыі для правядзення абавязковай юрыдычнай экспертызы, а ў выпадку неабходнасці арганізуе іх дапрацоўку зацікаўленымі службовымі асобамі;
  
• праводзіць абавязковую юрыдычную экспертызу праектаў інвестыцыйных дагавораў паміж інвестарам або інвестарамі і Рэспублікай Беларусь, рашэнне аб заключэнні якіх у адпаведнасці з заканадаўствам прымае аблвыканкам;
  
• удзельнічае ў падрыхтоўцы структурнымі падраздзяленнямі аблвыканкама прапаноў аб прызнанні страціўшымі сілу, змяненні або дапаўненні нарматыўных прававых актаў Савета і аблвыканкама;
  
• удзельнічае ў разглядзе структурнымі падраздзяленнямі аблвыканкама праектаў нарматыўных прававых і іншых прававых актаў, якія паступаюць у Савет і аблвыканкам, і дае заключэнні на праекты нарматыўных прававых і іншых прававых актаў, якія датычацца нарматворчай дзейнасці;
  
• ажыццяўляе ацэнку праектаў нарматыўных прававых актаў, падрыхтаваных на подпіс кіраўніцтву Савета і аблвыканкама, на прадмет адпаведнасці заканадаўству;
  
• іншыя функцыі.

Нарматыўная прававыя акты, якія вызначаюць задачы і функцыі аддзела:

ДЭКРЭТ ПРЭЗІДЭНТА РЭСПУБЛІКІ БЕЛАРУСЬ
6 жніўня 2009 г. № 10

О создании дополнительных условий для
осуществления инвестиций в Республике Беларусь

(Вынятка)

2. Вызначыць, што:

2.3.  праекты інвестыцыйных дагавораў падлягаюць абавязковай юрыдычнай экспертызе, якая праводзіцца:

юрыдычнай службай дзяржаўнага органа, выканкама, калі рашэнне аб заключэнні інвестыцыйнага дагавора прымаецца ў адпаведнасці з абзацам другім часткі першай падпункта 1.2 пункта 1 дадзенага Дэкрэта;

Міністэрствам юстыцыі, калі рашэнне аб заключэнні інвестыцыйнага дагавора прымаецца ў адпаведнасці з абзацам трэцім часткі першай падпункта 1.2 пункта 1 дадзенага Дэкрэта.

 ЗАКОН РЭСПУБЛІКІ БЕЛАРУСЬ
17 ліпеня 2018 г. № 130-З

Аб нарматыўных прававых актах Рэспублікі Беларусь

(Вынятка)

Артыкул 47. Правядзенне абавязковай юрыдычнай экспертызы і іншых экспертыз праектаў прававых актаў і лакальных актаў 

1. Праект нарматыўнага прававога акта падлягае абавязковай юрыдычнай экспертызе ў прадугледжаным дадзеным Законам і іншымі актамі заканадаўства парадку.

  Абавязковая юрыдычная экспертыза праводзіцца ў дачыненні:

  праектаў нарматыўных прававых актаў Нацыянальнага банка, Камітэта дзяржаўнага кантролю, Упраўлення справамі Прэзідэнта Рэспублікі Беларусь, Следчага камітэта, Дзяржаўнага камітэта судовых экспертыз, Камітэт дзяржаўнай бяспеці, Нацыянальнай акадэміі навук Беларусі, міністэрстваў, іншых рэспубліканскіх органаў дзяржаўнага кіравання, мясцовых выканаўчых і распарадчых органаў, іншых нарматворчых органаў (службовых асоб) – іх юрыдычнымі службамі, а праектаў нарматыўных прававых актаў мясцовых Саветаў дэпутатаў – юрыдычнымі службамі адпаведных мясцовых выканаўчых і распарадчых органаў;

   праектаў тэхнічных нарматыўных прававых актаў, якія не адносяцца да вобласці тэхнічнага нарміравання і стандартызацыі, ненарматыўных прававых актаў і лакальных актаў, падрыхтаваных нарматворчымі органамі (службовымі асобамі), – іх юрыдычнымі службамі.

ПАСТАНОВА 
САВЕТА МІНІСТРАЎ РЭСПУБЛІКІ БЕЛАРУСЬ
31 снежня 2008 г. № 2070

Аб некаторых мерах, накіраваных на павышэнне ролі і якасці працы юрыдычных службаў

(Вынятка)

2. Асноўнымі задачамі юрыдычнай службы дзяржаўнага органа з'яўляюцца:

2.1. садзейнічанне ў забеспячэнні захавання законнасці ў дзейнасці дзяржаўнага органа і яго службовых асоб;

2.2. ацэнка адпаведнасці праектаў нарматыўных прававых актаў, падрыхтаваных самім дзяржаўным органам і прадстаўляемых на подпіс кіраўніцтву дзяржаўнага органа, а таксама праектаў нарматыўных прававых актаў мясцовых Саветаў дэпутатаў (пры правядзенні ў дачыненні да іх абавязковай юрыдычнай экспертызы мясцовымі выканаўчымі і распарадчымі органамі) крытэрыям ацэнкі, устаноўленым у пункце 2 артыкула 47 Закона Рэспублікі Беларусь ад 17 ліпеня 2018 г. № 130-З «Аб нарматыўных прававых актах»;

2.3. непасрэдны ўдзел у падрыхтоўцы праектаў нарматыўных прававых актаў у адпаведнасці з кампетэнцыяй дзяржаўнага органа.

3. Юрыдычная служба дзяржаўнага органа ў адпаведнасці з ускладзенымі на яго задачамі:

3.1. удзельнічае ў падрыхтоўцы структурнымі падраздзяленнямі альбо самастойна падрыхтоўвае прапановы аб удасканаленні заканадаўства па напрамках дзейнасці дзяржаўнага органа, удзельнічае ў распрацоўцы праектаў нарматыўных прававых і іншых прававых актаў;

3.2. праводзіць абавязковую юрыдычную экспертызу ў дачыненні да праектаў нарматыўных прававых актаў дзяржаўнага органа, тэхнічных нарматыўных прававых актаў, якія не адносяцца да вобласці тэхнічнага нарміравання і стандартызацыі, ненарматыўных (індывідуальных) прававых актаў і лакальных прававых актаў, а юрыдычная служба мясцовага выканаўчага і распарадчага органа таксама ў дачыненні да праектаў нарматыўных прававых актаў адпаведных мясцовых Саветаў дэпутатаў;

3.3. удзельнічае ў падрыхтоўцы структурнымі падраздзяленнямі альбо самастойна падрыхтоўвае прапановы аб прызнанні страціўшымі сілу, змяненні нарматыўных прававых актаў дзяржаўнага органа ў мэтах забеспячэння іх унутранай узгодненасці і прывядзення ў адпаведнасць з законамі, дэкрэтамі і ўказамі Прэзідэнта Рэспублікі Беларусь, пастановамі Савета Міністраў Рэспублікі Беларусь, міжнароднымі дамовамі Рэспублікі Беларусь і іншымі міжнародна-прававымі актамі, якія змяшчаюць абавязацельствы Рэспублікі Беларусь;

3.4. па даручэннях кіраўніцтва ўдзельнічае ў разглядзе іншымі структурнымі падраздзяленнямі паступаючых у дзяржаўны орган праектаў нарматыўных прававых і іншых прававых актаў і дае заключэнні на паступіўшыя праекты нарматыўных прававых і іншых прававых актаў, якія тычацца нарматворчай дзейнасці.