Парадак абскарджання пастаноў,
дзеянняў (бяздзейнасці) судовага выканаўцы

Выняткі з Закона Рэспублікі Беларусь «Аб выканаўчай вытворчасці»

Абскарджанне (апратэставанне) пастаноў, дзеянняў (бяздзейнасці) судовага выканаўцы, іншага работніка органа прымусовага выканання ў выпадках, прадугледжаных Законам Рэспублікі Беларусь «Аб выканаўчай вытворчасці», ажыццяўляецца ў парадку падпарадкаванасці адпаведна кіраўніку органа прымусовага выканання, вышэйстаячаму кіраўніку органа прымусовага выканання, а ў выпадку нязгоды з іх рашэннем — у суд.

Пастановы, дзеянні (бяздзейнасць) судовага выканаўцы, пастановы, дзеянні (бяздзейнасць) кіраўніка органа прымусовага выканання, звязаныя з непасрэдным выкананнем выканаўчых дакументаў, могуць быць абскарджаны:

1) бакамі выканаўчай вытворчасці;

2) іншымі асобамі, чые правы і законныя інтарэсы парушаныя пры выкананні выканаўчага дакумента.

Абскарджанне ў судовым парадку пастаноў, дзеянняў (бяздзейнасці) судовага выканаўцы, іншага работніка органа прымусовага выканання, ажыццяўляецца пасля абскарджання такіх пастаноў, дзеянняў (бяздзейнасці) у пазасудовым парадку, устаноўленым Законам Рэспублікі Беларусь «Аб выканаўчай вытворчасці». У судовым парадку абскарджанне ажыццяўляецца ў адпаведнасці з грамадзянскім працэсуальным або гаспадарчым працэсуальным заканадаўствам.

Пракурор мае права прынясення пратэсту на пастановы, дзеянні (бяздзейнасць) судовага выканаўцы, іншага работніка органа прымусовага выканання ў суд без выканання пазасудовага парадку абскарджання (апратэставання) пастаноў, дзеянняў (бяздзейнасці) судовага выканаўцы, іншага работніка органа прымусовага выканання.

ГАЛОЎНЫ СУДОВЫ ВЫКАНАЎЦА РЭСПУБЛІКІ БЕЛАРУСЬ:

• разглядае скаргі (пратэсты) на пастановы, дзеянні (бяздзейнасць) галоўнага судовага выканаўцы па вобласці (горадзе Мінску), звязаныя з непасрэдным выкананнем выканаўчых дакументаў, а таксама скаргі (пратэсты) на пастановы, дзеянні (бяздзейнасць) судовага выканаўцы галоўнага ўпраўлення прымусовага выканання Міністэрства юстыцыі Рэспублікі Беларусь

ГАЛОЎНЫ СУДОВЫ ВЫКАНАЎЦА ПА ВОБЛАСЦІ:

• разглядае скаргі (пратэсты) на пастановы, дзеянні (бяздзейнасць) галоўнага судовага выканаўцы раённага (міжраённага), гарадскога, раённага ў горадзе аддзела прымусовага выканання, звязаныя з непасрэдным выкананнем выканаўчых дакументаў, а таксама скаргі (пратэсты) на пастановы, дзеянні (бяздзейнасць) судовага выканаўцы ўпраўлення прымусовага выканання галоўнага ўпраўлення юстыцыі абласнога выканаўчага камітэта

ГАЛОЎНЫ СУДОВЫ ВЫКАНАЎЦА РАЁННАГА (МІЖРАЁННАГА), РАЁННАГА Ў ГОРАДЗЕ АДДЗЕЛА ПРЫМУСОВАГА ВЫКАНАННЯ:

• разглядае скаргі (пратэсты) на пастановы, дзеянні (бяздзейнасць) судовага выканаўцы раённага (міжраённага), гарадскога, раённага ў горадзе аддзела прымусовага выканання