Парадак аказання рыэлтарскіх паслуг

Рыэлтарскай дзейнасцю ў Рэспубліцы Беларусь з'яўляецца пасрэдніцкая дзейнасць камерцыйнай арганізацыі па садзейнічанні пры заключэнні, выкананні, спыненні дагавораў на будаўніцтва (у тым ліку долевае), куплі-продажу, мены, арэнды, іншых здзелак з аб'ектамі нерухомасці, правамі на іх (за выключэннем арганізацыі і правядзення аўкцыёнаў і конкурсаў), у тым ліку:

• кансультацыйныя паслугі па здзелках з аб'ектамі нерухомасці;
• прадстаўленне інфармацыі аб попыце і прапанове на аб'екты нерухомасці;
• падбор варыянтаў здзелкі з аб'ектам нерухомасці, здзелкі з удзелам у будаўніцтве аб'екта нерухомасці;
• арганізацыя і правядзенне ўзгаднення ўмоў маючай адбыцца здзелкі;
• дапамога ў падрыхтоўцы (афармленні) дакументаў, звязаных з ажыццяўленнем здзелкі з аб'ектам нерухомасці, здзелкі з удзелам у будаўніцтве аб'екта нерухомасці, рэгістрацыі нерухомай маёмасці, правоў на яго і здзелак з ім.

Камерцыйныя арганізацыі, якія ажыццяўляюць рыэлтарскую дзейнасць, маюць права ва ўстаноўленым парадку дадаткова ажыццяўляць наступныя віды дзейнасці:

• рэкламная і выдавецкая дзейнасць у сферы маёмасці;
• дзейнасць па ацэнцы кошту аб’ектаў грамадзянскіх правоў (прадпрыемстваў як маёмасных комплексаў, капітальных будынкаў (будынкаў, збудаванняў), ізаляваных памяшканняў, зямельных участкаў).

Дзяржаўныя камерцыйныя арганізацыі, якія ажыццяўляюць рыэлтарскую дзейнасць, маюць права дадаткова да дзейнасці па ацэнцы кошту вышэйпералічаных аб'ектаў грамадзянскіх правоў, рабіць ацэнку кошту іншых аб'ектаў грамадзянскіх правоў, якія знаходзяцца ў дзяржаўнай уласнасці.

Правілы ажыццяўлення рыэлтарскай дзейнасці зацверджаны Указам Прэзідэнта Рэспублікі Беларусь ад 9 студзеня 2006 года № 15 «Аб рыэлтарскай дзейнасці Рэспублікі Беларусь».

Рыэлтарская арганізацыя павінна ажыццяўляць рыэлтарскую дзейнасць у адпаведнасці з патрабаваннямі заканадаўства і сваімі абавязацельствамі па дамове на аказанне рыэлтарскіх паслуг.

Рыэлтарская арганізацыя абавязаная:

• мець у памяшканнях, прызначаных для ажыццяўлення рыэлтарскай дзейнасці, арыгіналы або копіі пасведчання аб дзяржаўнай рэгістрацыі, ліцэнзіі, пасведчанні аб атэстацыі рыэлтараў і па патрабаванні спажыўца прад'яўляць іх;
• прадстаўляць па патрабаванні спажыўца дагавор абавязковага страхавання;
• заключыць са спажыўцом дагавор на аказанне рыэлтарскіх паслуг;
• спрыяць рэалізацыі правоў і законных інтарэсаў спажыўца ў рамках заключанага дагавора на аказанне рыэлтарскіх паслуг;
• інфармаваць спажыўца рыэлтарскіх паслуг – бок дагавора на аказанне рыэлтарскіх паслуг – аб нарматыўных прававых актах па пытаннях нерухомасці;

• забяспечваць канфідэнцыяльнасць інфармацыі, атрыманай у ходзе правядзення здзелкі, за выключэннем выпадкаў, прадугледжаных у гэтых правілах і іншых актах заканадаўства;
• забяспечваць захаванасць дакументаў, атрыманых ад спажыўца рыэлтарскіх паслуг для здзяйснення здзелкі з аб'ектам нерухомасці;
• прадстаўляць спажыўцу атрыманую на законных падставах дакладную і поўную інфармацыю аб аб'екце нерухомасці, аб правах на яго, у тым ліку аб яго ўласніку (уладальніку);
• забяспечваць прававую абарону інтарэсаў спажыўца шляхам складання праектаў дагавораў па здзелках з аб'ектамі нерухомасці, тлумачэння правоў і абавязкаў бакоў, а таксама зместу і прававых наступстваў такой здзелкі;
• да падпісання дагавора на аказанне рыэлтарскіх паслуг рыэлтарская арганізацыя абавязана азнаёміць спажыўца з дакументам, які змяшчае парадак аплаты рыэлтарскіх паслуг, праектам дагавора на аказанне рыэлтарскіх паслуг, дагаворам абавязковага страхавання, а таксама аказаць неабходныя кансультацыйныя паслугі і прадставіць інфармацыю аб попыце і прапанове на аб'екты нерухомасці;
• выконваць іншыя абавязацельствы, прадугледжаныя заканадаўствам і дагаворам на аказанне рыэлтарскіх паслуг.

Спажывец абавязаны:

• прадстаўляць рыэлтарскай арганізацыі дакладныя дакументы і звесткі аб аб'ектах нерухомасці, аб правах на іх, у тым ліку аб уласніку (уладальніку);
• зрабіць аплату паслуг у адпаведнасці з дагаворам на аказанне рыэлтарскіх паслуг;
• выконваць іншыя абавязацельствы, прадугледжаныя заканадаўствам і дагаворам на аказанне рыэлтарскіх паслуг.

Спажывец мае права:

• знаёміцца са сведчаннем аб дзяржаўнай рэгістрацыі рыэлтарскай арганізацыі, з ліцэнзіяй, выдадзенай рыэлтарскай арганізацыі, сведчаннямі аб атэстацыі рыэлтараў, якія працуюць у дадзенай рыэлтарскай арганізацыі, а таксама з дакументам, які змяшчае парадак аплаты рыэлтарскіх паслуг;
• атрымліваць ад рыэлтарскай арганізацыі усю неабходную інфармацыю аб здезлцы;
• звяртацца ў ліцэнзуючы орган па пытаннях парушэння яго правоў як спажыўца рыэлтарскіх паслуг;
• на рэалізацыю іншых правоў, прадугледжаных заканадаўствам і дагаворам на аказанне рыэлтарскіх паслуг.

Да ведама спажыўцоў паслуг рыэлтарскай арганізацыі:

* у Рэестры рыэлтараў (далей – Рэестр) утрымліваюцца звесткі аб усіх асобах, якім Міністэрствам юстыцыі былі выдадзены пасведчанні аб атэстацыі рыэлтара, уключаючы звесткі аб сведчаннях, дзеянне якіх спынена, а таксама ануляваных;

 * з асоб, якія ёсць ў Рэестры, аказваць рыэлтарскія паслугі маюць права толькі асобы, якія займаюць у канкрэтнай рыэлтарскай арганізацыі пасаду рыэлтара і якія маюць выдадзеную дадзенай арганізацыяй ідэнтыфікацыйную пластыкавую картку рыэлтара (найменне рыэлтарскай арганізацыі, у штаце якой знаходзіцца рыэлтар, серыя і нумар выдадзенай яму ідэнтыфікацыйнай пластыкавай карткі павінны ўтрымлівацца ў графах Рэестра «Месца працы, займаемая пасада», «№ і дата выдачы ідэнтыфікацыйнай пластыкавай карткі»);

* ідэнтыфікацыйная пластыкавая картка павінна прад'яўляцца рыэлтарам па патрабаванні спажыўцоў і змяшчаць фатаграфію рыэлтара, яго прозвішча, уласнае імя, імя па бацьку (калі такое маецца), пасаду ўладальніка карткі і найменне рыэлтарскай арганізацыі (яе філіяла), у штаце якой знаходзіцца рыэлтар, рэквізіты ліцэнзіі рыэлтарскай арганізацыі, серыю і нумар ідэнтыфікацыйнай пластыкавай карткі. Акрамя таго, копіі ідэнтыфікацыйных пластыкавых картак рыэлтараў павінны знаходзіцца ў рыэлтарскай арганізацыі ў даступным для спажыўцоў рыэлтарскіх паслуг месцы.

ПЕРАЛІК

работ, якія ажыццяўляюцца рыэлтарскай арганізацыяй пры аказанні паслуг

1. Кансультацыі па здзелках з аб'ектам нерухомай маёмасці.

2. Прадастаўленне інфармацыі аб попыце і прапанове на аб'ект нерухомай маёмасці.

3. Афармленне і заключэнне дагавора на аказанне рыэлтарскіх паслуг.

4. Збор інфармацыі аб аб'ектах нерухомасці, якія адпавядаюць патрабаванням кліента, з уласнай базы дадзеных аб'ектаў нерухомай маёмасці, са сродкаў масавай інфармацыі, з баз дадзеных, прадастаўленых іншымі агенцтвамі.

5. Арганізацыя і правядзенне рэкламы аб'екта нерухомай маёмасці са згоды спажыўца.

6. Збор і вывучэнне інфармацыі, неабходнай для заключэння здзелкі з аб'ектам нерухомай маёмасці ў адпаведнасці з заканадаўствам.

7. Арганізацыя агляду прадастаўленых кліенту варыянтаў аб'ектаў нерухомай маёмасці.

8. Арганізацыя і правядзенне перамоў па ўзгадненні ўмоў здзелкі з аб'ектам нерухомай маёмасці. 9. Арганізацыя збору неабходных дакументаў для заключэння здзелкі з аб'ектам нерухомай маёмасці.

10. Садзейнічанне ў арганізацыі заключэння папярэдняга дагавора паміж пакупніком і прадаўцом. 11. Садзейнічанне ў падрыхтоўцы неабходных дакументаў для пасведчання здзелкі з аб'ектам нерухомай маёмасці.

12. Садзейнічанне ў арганізацыі пасведчання здзелкі з аб'ектам нерухомай маёмасці.

13. Садзейнічанне ў падрыхтоўцы неабходных дакументаў для дзяржаўнай рэгістрацыі здзелкі з аб'ектам нерухомай маёмасці і заснаваных на ёй ўзнікнення, пераходу, спынення правоў, абмежаванняў (абцяжаранняў) правоў на гэты аб'ект.

14. Садзейнічанне ў арганізацыі дзяржаўнай рэгістрацыі правоў на аб’екты нерухомай маёмасці.

15. Садзейнічанне ў заключэнні дагавора арэнды аб'екта нерухомай маёмасці і іншая пасрэдніцкая дзейнасць пры здачы ў арэнду аб'екта нерухомасці.

16. Кансультацыі і садзейнічанне ў падрыхтоўцы дакументаў для прыватызацыі аб'екта нерухомай маёмасці.

17. Садзейнічанне ў падрыхтоўцы неабходных дакументаў для атрымання дазволу на выкананне перапланіроўкі і рэканструкцыі аб'ектаў нерухомай маёмасці.

18. Садзейнічанне ў падрыхтоўцы дакументаў для пераводу жылых памяшканняў у нежылы фонд у адпаведнасці з заканадаўствам.

19. Садзейнічанне пры заключэнні, выкананні, спыненні дагавора будаўніцтва аб'екта нерухомай маёмасці (у тым ліку долевага).

20. Садзейнічанне па ініцыятыве спажыўца арганізацыі ўзаемаразлікаў паміж суб'ектамі здзелкі з аб'ектам нерухомай маёмасці.

21. Садзейнічанне ў здзяйсненні здзелак з аб'ектамі нерухомай маёмасці, звязаных з прадастаўленнем банкамі крэдытаў.

22. Садзейнічанне ў заключэнні і рэгістрацыі дагавораў у дачыненні да прадпрыемства як маёмаснага комплексу.

23. Іншая пасрэдніцкая дзейнасць па садзейнічанні пры здзяйсненні здзелкі з аб'ектам нерухомай маёмасці.